Aug 20, 2012

അമ്മയോട് കളിച്ചാല്‍ ഇങ്ങനിരിക്കും !


സോറി സത്നംസിങ് , ഞങ്ങള്‍ മലയാളികള്‍ ഭയങ്കര ബിസിയാണ്. നിങ്ങളുടെ മരണത്തില്‍ അനുശോചിക്കാന്‍പോലും സമയം കിട്ടിയിട്ടില്ല ....... ഞങ്ങളും ഞങളുടെ മീഡിയയും ഇപ്പോഴും ഒഞ്ചിയത്തും പരിസരത്തും കറങ്ങി നടക്കുകയാണ്, പിന്നെ ഭൂകമ്പം ഉരുള്‍പൊട്ടല്‍ നടിയുടെ വിവാഹം അങ്ങനെ അങ്ങനെ പല പല ചര്‍ച്ചകളില്‍പെട്ട് തിരിക്കിലായിപോയി ........ പിന്നെ എന്തെല്ലാം അന്താരാഷ്ട്ര കാര്യങ്ങളിരിക്കുന്നു ഞങ്ങള്‍ക്ക് ചര്‍ച്ചിക്കാന്‍ ............ അതിനിടയിലാണോ പിന്നെ ഒരു ബീഹാരിയുടെ മരണത്തിനു എന്തിനാണ് ഇത്ര പ്രാധാന്യം, നിങ്ങള്‍ മലയാളിയല്ലെന്നത് പ്രത്യേകം ഓര്‍ക്കണം ട്ട്യോ സത്നം സിങ്.

പിന്നെ നിങ്ങള്‍ ആക്രമിക്കാന്‍ ശ്രമിച്ചത് ആരെയാണ് ??? ഞങ്ങളുടെ ദൈവത്തെയാണ് ........... കാരുണ്യത്തിന്റെ ആയിരം കൈകള്‍ കൊണ്ട് മാനവ രാശിയെ മാനസികമായും ശാരീരികമായും ആത്മീയമായും ഉയര്‍ത്തെഴുന്നേല്പിക്കുക എന്ന ലക്ഷ്യപ്രാപ്തിക്കായി ലോകമെമ്പാടുമുള്ള സാധുകളെ സഹായിക്കാന്‍ ജീവിതം മാറ്റിവച്ചവരാണ് അവര് (അമ്മേ...) നിങ്ങള്‍ മരണാസന്നനായി ഒരു തുള്ളി വെള്ളത്തിന്‌ കക്കൂസിലെ വെള്ളം നക്കി കുടിക്കുമ്പോഴും മമ്മി തങ്ങളുടെ കാരുണ്യ ഹസ്തങ്ങളാല്‍ ഭക്തരെ ആലിംഗനം ചെയ്യുകയായിരുന്നു ആ സ്നേഹം മനസ്സിലാക്കാണം.. (ഹല്ല പിന്നെ) അങ്ങനെയുള്ള ഞങ്ങളുടെ ആരാധനാമൂര്‍ത്തിയെ നിങ്ങള്‍ അപമാനിക്കുന്നത് ഞങ്ങള്‍ നോക്കിയിരിക്കുമോ ??? ങ്ങാ...

സംഭവിക്കാനുള്ളതൊക്കെ സംഭവിച്ചു ഇനി പറയാനുള്ളത് മമ്മിക്കെതിരായി ഫെയ്സ്ബുക്കില്‍ പ്രതികരിക്കുന്നവരോടാണ് ... മര്യാദയ്ക്ക് നിര്‍ത്തിയാല്‍ നിങ്ങള്‍ക്ക് നല്ലത്

പിന്നെ ഇതോടുകൂടി എന്റെ മമ്മീയെ ഒതുക്കാമെന്നു കരുതുന്ന അവന്മാരോട് :- അമ്മയോട് കളിച്ചാല്‍ ഇങ്ങനിരിക്കും ഇപ്പൊ മനസ്സിലായല്ലോ

കേസന്വേഷണ ചുമതല മഠവുമായി നല്ല ബന്ധമുള്ള സന്ധ്യേച്ചിക്കാണ് സന്ധ്യേച്ചിടെ മകള്‍ മമ്മിയുടെ സ്ഥാപനങ്ങളിലൊന്നില്‍ വിദ്യാര്‍ഥിനിയാണ്. ഞങ്ങള്‍ക്കറയാം ഇതെങ്ങനെ തുടങ്ങണം അവസാനിപ്പിക്കണം എന്നൊക്കെ, അമ്മേ മഹാമായേ ....


4 comments:

  1. മര്യാദക്ക് അന്വേഷിച്ചാല്‍ തള്ളക്കും മക്കള്‍ക്കും പണി പാലും വെള്ളത്തില്‍ കിട്ടും

    ReplyDelete
  2. അവന് മോക്ഷം കൊടുത്തു
    അതൊരു തെറ്റായിപ്പോയോ മക്കളെ?

    ReplyDelete
  3. നീയെത്ര ഭാഗ്യവാന്‍...
    ദൈവ കോപത്തില്‍ ജീവന്‍ വെടിയാന്‍..
    ഭാഗ്യം ലഭിച്ചവന്‍ നീയാണ്..
    ദൈവത്തിന്‍ "മാര്‍വിടത്തെ ആത്മീയ“ ചൂടറിഞ്ഞില്ലെങ്കിലും..
    ദൈവത്തിന്‍ കൈച്ചൂടറിഞ്ഞവന്‍...

    ReplyDelete
  4. ഇങ്ങനെ പച്ചിറച്ചിയില്‍ കമ്പി പഴുപ്പിച്ചു കയറ്റരുത്...ആത്മരോഷം തുളുമ്പുന്ന രചന..

    ഓ .ടോ : താങ്കളെപ്പോലെയുള്ളവരുടെ ബ്ലോഗ്‌ രചനകള്‍ വായിച്ചു വായിച്ചു ഈ എളിയ ഞാനും ഒരു പുതിയ ബ്ലോഗ്‌ തുടങ്ങി.കഥപ്പച്ച..കഥകള്‍ക്ക് മാത്രമായി ഒരു ബ്ലോഗ്‌ . ..അനുഗ്രഹാശിസുകള്‍ പ്രതീക്ഷിക്കുന്നു. (ക്ഷണിക്കുവാന്‍ വൈകിപ്പോയി ..എങ്കിലും ഒന്നവിടം വരെ വരണേ പ്ലീസ് )

    ReplyDelete

അഭിപ്രായം വേണമെന്നില്ല