സന്തോഷ് പണ്ഡിത് സാറിനൊരു കത്ത്

സന്തോഷ് പണ്ഡിത് സാറിന് ആരാധകനെഴുതുന്ന കത്ത്,   ബഹുമാനപ്പെട്ട സന്തോഷ് പണ്ഡിത് സാറിന്  (സാര്‍ എന്ന് വിളിക്കാമെന്ന് കരുതുന്നു ) അങ്ങയുടെ പുതിയ ആല്‍ബങ്ങള്‍ക്കായ വപുസാലും വചസാലും ... , ഗോകുല ... , ഗുരുവായൂരപ്പാ .. തുടങ്ങിയ പുതിയ ഗാനങ്ങളെല്ലാം കാണാനിടയായി എനിക്കിഷ്ട്ടപ്പെടുകയും ചെയുതു . ഇത്തരം നല്ല പാട്ടുകള്‍ എഴുതാനും പങ്കുവയ്ക്കാനും അങ്ങേയ്ക്ക് സാധിക്കട്ടെ എന്ന് ആശംസിക്കുന്നു .

എനിക്ക് പറയാനുള്ളത് സാറിന്റെ ദേഹിയില്ലാ .. ദേഹിക്കിപ്പോള്‍ എന്ന് തുടങ്ങുന്ന ഗാനത്തെക്കുറിച്ചാണ് . ഇതൊരു വിമര്‍ശനമല്ലെന്ന് വായനക്കാര്‍ ആദ്യമേ മനസ്സിലാക്കണം . സാറ് അത് മനസ്സിലാക്കുമെന്ന് ഞാന്‍ കരുതുന്നു , അങ്ങയുടെ അഭിമുഖത്തിന്‍ ( ഇവിടെ ) നിന്നുതന്നെ അങ്ങ് വിമര്‍ശകരോടുള്ള അങ്ങയുടെ നിലപാട് വ്യക്തമാക്കിയിട്ടുള്ളതാണല്ലോ , ഇനി ഇത് വിമര്‍ശന്മായി തോന്നുന്നുണ്ടെങ്കില്‍ തന്നെ ഈ വിമര്‍ശനം ഇവനെങ്ങനെയെങ്കിലും നശിക്കട്ടെ  എന്നരീതിയില്‍ ഒരു പ്രതിഭാശാലിയോടുള്ള അവഗണയായി കരുതരുതെന്ന് താഴ്മയോടെ അപേക്ഷിക്കുകയാണ് .

താങ്കളുടെ എല്ലാ പാട്ടുകളെയും റിങ്ങ്ടോണുകളായി മൊബൈലില്‍ സൈറ്റുച്ചെയുകയും അത് പ്രചരിപ്പിക്കുകയും ചെയുന്നയാളാണ് ഞാന്‍/എന്റെ കൂട്ടുകാരും , താങ്കളുടെ ഇപ്പോഴിറങ്ങിയതടക്കമെല്ലാപ്പാട്ടുകളുടെയു ശേഖരം എന്റെ കൈവശമുണ്ട് . താങ്കളുടെ പാട്ടുകള്‍ കേളര്‍ട്യൂണായി ഏത് മൊബൈല്‍ കമ്പനിയും പ്രൊവൈഡ് ചെയുന്നില്ല . ഐഡിയയിലും , വൊഡാഫോണിലും അനേഷിച്ചതാണ് , ഐഡിയയാ കസ്റ്റമ്മര്‍ കൈയറിലെ പെങ്കൊച്ച് സാറിന്റെ ആ‍ാരാധികയാണെന്നകാര്യം ഉറപ്പ് ,രാത്രി ശുഭരാതിയെ കുറിച്ചനേഷിച്ചപ്പോള്‍ നിര്‍ത്താതെ ചിരിക്കുന്നതുകേട്ടു ഞാന്‍ വിഷയത്തിലേക്ക് കടക്കാം

സാറിന്റെ പുതിയ ആല്‍ബത്തിലെ ദേഹിയില്ലാ .. ദേഹിക്കിപ്പോള്‍ എന്ന പാട്ടിനെ കുറിച്ച് പറയുകയാണെങ്കില്‍ ഹ്രദയ സ്പര്‍ശിയായ ഒരു മെലഡി സോങ്ങിന്റെ വരികളാണ് ആ പാട്ടിനെ മനോഹരമാക്കുന്നത് . മണിച്ചിത്രത്താഴ് എന്ന സിനിമയിലെ “വരുവാനില്ലൊരുന്നാളും“ എന്നപാട്ടിന് ശേഷം എന്നെ ഇത്രയധികം ആകര്‍ഷിച്ച പാട്ട് ഇല്ലെന്നു തന്നെ പറയാം . അങ്ങയുടെ ഭാവാഭിനയവും അതിനൊരു നല്ല പങ്ക് വഹിച്ചിട്ടുണ്ടെന്നുതന്നെ പറയാം . അടിച്ചുപൊളിപ്പാട്ടിനെക്കാളേറെ അങ്ങേയ്ക്ക് ഇണങ്ങുന്നതും , അങ്ങയിലെ പ്രതിഭാശാലിയെ എടുത്തുകാണിക്കുന്നത് ഇത്തരം പാട്ടുകളിലാണെന്ന് വിനയത്തോടെ അറിയിച്ചുകൊള്ളട്ടെ സാര്‍ .  ഇനി പ്രേക്ഷകനെന്ന അതിലുപരി സാറിന്റെ ആരാധകനെന്ന നിലയില്‍ പാട്ടിലെ പ്രശ്നങ്ങളെന്ന് എനിക്ക് തോനിയത്  പറയാം . 

പ്രേമവിവാഹത്തിന്റെ പേരില്‍  വീട്ടുകാരുമായി പിണങ്ങേണ്ടിവന്നസാഹച്ചര്യം വ്യക്തമാക്കുന്നതില്‍

വന്ന പാളിച്ചയാണ് പ്രധാനമായും ഞങ്ങള്‍ പ്രേക്ഷകര്‍ക്ക് പാട്ടിനോടുള്ള ഇഷ്ട്ടത്തില്‍ മങ്ങലേല്‍പ്പിച്ചത് . ജീവനില്ലെന്നതുപോലെ തോന്നിപ്പിക്കുന്നത്തരത്തിലുള്ള ഭാര്യയുടെ മ്യതശരീരവുമായി അങ്ങ് എന്തിനാണ് രാത്രി സമയത്ത് റോഡില്‍ ഇരുന്നത് . ആ ശവശരീരത്തെ മൊബൈല്‍ ക്യാമറയിലാക്കാന്‍ എന്തിനാണ് രണ്ട് ചെറുപ്പക്കാന്‍ വന്ന് ശ്രമിച്ചപ്പോള്‍ അവരെ തല്ലിയോടിക്കുന്നതായി ഭാവിച്ചത് .  ( ആ രംഗം ) ഭാവിച്ചത് എന്നതുകൊണ്ട് ഞാന്‍ ഉദ്ദേശിച്ചത് പാട്ട് ശ്രദ്ധിച്ചാര്‍ തന്നെ സാറിന് മനസ്സില്ലാവും എന്നാണ് കരുതുന്നത് , ഇത്ര മുട്ടന്‍ വടികൊണ്ട് തല്ലുമ്പോളും തല്ല്കൊള്ളുന്നവനും സാറും ചിരിക്കുകയാണ് ചെയുന്നത് എന്നത്  ക്യാമറ വ്യക്തമായി പകര്‍ത്തിയിട്ടുണ്ട്  (ആ രംഗം ) . ഒരു പക്ഷേ താങ്കള്‍ പണ്ട് പറഞ്ഞത്  പോലെ (പറഞ്ഞത് ) വിഷ്യല്‍ എഡിറ്റിങ്ങില്‍ താങ്കളുടെ ശ്രദ്ധയില്ലായ്മയായിരിക്കാം ഇതിനുപിന്നില്‍ 

രച്ചന ,സംഗീതം ,ചിത്ര സംയോജനം എല്ലാം സാറുമാത്രം കൈകാര്യം ചെയുന്നതില്‍ വന്നതുകൊണ്ടുണ്ടായ ചെറിയപാളിച്ചയായി ആരാധകനായ എനിക്കിതിനെ കാണാനാവുമെങ്കിലും . മറ്റ് പ്രേക്ഷകരും , ഈ മേഘലയിലെ മറ്റ് നിര്‍മ്മാതാക്കളും താങ്കള്‍ക്കെതിരെ പ്രയോഗിക്കാനുള്ള ഒരായുധമായി ഇതിനെ ഉപയോഗിക്കുന്നത് ഒരു ആരാധകനെന്ന നിലയില്‍ സഹിക്കാനാവുന്നതിലുമപ്പുറമാണ് സാര്‍ ...

അമൂല്യ പ്രതിഭയായ അങ്ങേയ്ക്ക് ഇനിയും ഇതുപോലെ മികച്ച ഗാനങ്ങളെഴുതാന്‍ കഴിയട്ടെ , എന്നാശംസിച്ചുകൊണ്ട് നിത്തുന്നു

നന്ദി ...

നമസ്കാരം