അഴിമതിയും , ഹസ്സാരെയും പിന്നെ മറ്റേ സാമിയും

സ്വാര്‍ഥലാഭത്തിനുവേണ്ടി അധികാരസ്ഥരും അല്ലാത്തവരുമെല്ലാം ചെയ്യുന്ന നീതിവിരുദ്ധമായ പ്രവൃത്തി, കോഴവാങ്ങിക്കൊണ്ടും മറ്റും ചെയ്യുന്ന ന്യായക്കേട്‌, അധികാരനിർവഹണത്തിൽ വരുത്തുന്ന കാലതാമസം അല്ലെങ്കില്‍ തെറ്റ് , നീതിനിഷ്ഠയില്ലായ്മ, അന്യായം, അനീതി, കൈക്കൂലി, അക്രമം, സ്വേച്ഛാചാരിത്വം എന്നാണ് അഴിമതിക്കു പൊതുവേയുള്ള നിര്‍വച്ചനം .

അണ്ണന്‍ ഹസാരെയും രാംദേവും. എങ്ങിനെ, ആര്‍ക്കാണു ഇന്ത്യയില്‍നിന്നും അഴിമതി തുടച്ചു നീക്കാന്‍ സധിക്കുക?? ആരെക്കൊണ്ടും സാധിക്കില്ല. മന്മോഹന്‍ പറഞതാണു ശരി. കുറ്റക്കാര്‍ക്കെതിരെ നടപടിയെടുക്കാമെന്നല്ലാതെ, അഴിമതി നീക്കാന്‍ മാന്ത്രിക ദണ്ഡൊന്നും ആരുടെകൈവശവും ഇല്ല. ,, ശരിയാണ്  രാംദേവും ഹസാരെയും എന്തു ലക്ഷ്യം കണ്ടിട്ടാ ഇറങ്ങിയിരിക്കുന്നതെന്നറിയില്ല.

മലയാളിക്കാണെങ്കില്‍ ഇപ്പൊ അഴിമതിവാര്‍ത്തയല്ലാതെ മറ്റൊന്നും ഇഷ്ട്ടമല്ല. വാര്‍ത്തകള്‍ വായിക്കുന്നതില്‍ മാത്രമല്ല, കാണുന്നതിലും നമ്മള്‍ മുന്നിലാണ്. ടി.വി. വാര്‍ത്താചാനലുകള്‍ക്ക് ഇന്ത്യന്‍ ഭാഷകളില്‍ കൂടുതല്‍ റേറ്റിങ് മലയാളത്തിനാണ്. പക്ഷെ ഒരു കാര്യം. നമുക്ക് ഏറ്റവും ഇഷ്ടപ്പെട്ട വാര്‍ത്ത അഴിമതിയുടേതുമാണ്. ദിവസവും  രണ്ട് അഴിമതി വാര്‍ത്തകളെങ്കിലും നമുക്കു വേണം.  അതു കൊണ്ട് ഒരു അഴിമതി വാര്‍ത്തയെങ്കിലും വരാത്ത പത്രമാധ്യമങ്ങളെ നമ്മുക്ക് അത്ര ഇഷ്ട്ടപ്പെടാറില്ല . രാഷ്ട്രീയക്കാരുടെ അഴിമതിയാണ് കൂടുതല്‍ റേറ്റിങ്ങ് , പിന്നെ ... പോലീസ് അഴിമതി, സര്‍ക്കാര്‍ ഉദ്യോഗസ്ഥരുടെ അഴിമതി, സിനിമാക്കാരുടെ അഴിമതി, കോടതിയിലെ അഴിമതി, കള്ള് അഴിമതി, വാഹന അഴിമതി. റിയാലിറ്റി ഷോയിലെ ജഡ്ജ് അഴിമതി ... അങ്ങനെയങ്ങനെ നീളും.

റോഡില്‍ കുഴി വരുന്നത് അഴിമതികൊണ്ടാണെന്ന് നമുക്കറിയാം. കുഴി മൂടിയാല്‍ അതില്‍ അഴിമതി ഉണ്ടാകുമെന്നും നമുക്കറിയാം .

പോക്കറ്റടിക്കാരെ പിടിക്കുകയും കൈക്കൂലിക്കാരെ സംരക്ഷിക്കുകയുമാണു സമൂഹം ചെയ്യുന്നത്. അഴിമതി നിവാരണത്തിനു സമൂഹത്തിന്‍റെ സര്‍ഗശക്തി ഉപയോഗ പ്പെടുത്തണം. അഴിമതി അധികാരമുപയോഗിച്ചുള്ള കുറ്റകൃത്യമാണ്. ഇവിടെ അധികാരം ഉപയോഗിച്ച് എല്ലാവരും പണമുണ്ടാക്കുന്നു. എവിടെയെല്ലാം അധികാരമുണ്ടോ അവിടെയെല്ലാം അഴിമതിയുണ്ട്. പോക്കറ്റടിക്കാരനെ പിടിച്ചുനിര്‍ത്തുന്ന സമൂഹം എന്തുകൊണ്ടു കൈക്കൂലിക്കാരനെ തടയുന്നില്ല. നമ്മുടെ തുരുമ്പു പിടിച്ച വ്യവസ്ഥയുടെ ഫലമാണ് അഴിമതി . 

ഒന്നിനെപ്പറ്റിയും ഒരു വിവരവും ഇല്ലാത്ത നേതൃത്വം ഭരിക്കുംബ്ബോള്‍ എല്ലാം അങ്ങനെ തന്നെ ! ഇതു മാറണമെങ്കില്‍ ജയിച്ചു പോകുന്ന നേതാക്കള്‍ക്കായി ഒരു പഠന ക്ലാസ്സ്‌  ഉണ്ടാക്കി ആ വിഷയത്തില്‍ പരീക്ഷനടത്തി ജയിക്കുന്നവരെ ഭരിക്കാന്‍ അനുവധിക്കാം എന്നാവണം .

{ വില്ലേജ് ഓഫീസ് , മുന്‍സിപ്പല്‍ ഓഫീസ്  , താലൂക്ക് ഓഫീസ് , കെ.എസ് ഇ ബി ഓഫീസ് , വാട്ടര്‍ അതോറിറ്റി , പോലീസ് സ്റ്റേഷന്‍ ,ഗവമെന്റ് ആശുപത്രി .. കാലാ കാലങ്ങളായി കൈകൂലിയുടെ കേന്ദ്രങ്ങളായി പ്രവര്‍ത്തിക്കുന്ന ഇതിലേതെങ്കിലുമൊരു ഉദ്ദ്യോഹസ്ത്ഥനെ നോക്കി കൈക്കൂലി തരാന്‍ സാധിക്കില്ലെന്ന് പറഞ്ഞ ആരെങ്കിലുമുണ്ടോ ഇവിടെ }