ബൂലോകത്തെ പ്രവാസിബ്ലോഗ്ഗര്‍മാര്‍ വായിക്കരുത്

ബൂലോക പ്രവാസിബ്ലോഗര്‍മാര്‍ വായിക്കരുത് എന്നല്ല വായിക്കണം എന്നാണ് തലക്കെട്ട് വേണ്ടത്. എന്നാലും വായിക്കണ്ടാ ന്ന് പറഞ്ഞാലേ നമ്മളൊക്കെ വായിക്കൂഎന്നറിയാം , “ഒന്നുമില്ലെങ്കിലും നമ്മളൊക്കെ മല്‍യാളീസ് അല്ലേ“ അതുകൊണ്ടാണ് അങ്ങനെയെഴുതിയത് . പ്രവാസികളാണ് ബ്ലോഗെഴുതുന്നവരില്‍ കൂടുതലും എന്ന് തോന്നുന്നു . അതുകൊണ്ട് ആദ്യമേ പറയുന്നു . എല്ലാ പ്രവാസി ബ്ലോഗര്‍മാരും എനിക്ക് സുഹ്രത്തുകളാണ് , അവരെല്ലാരും എന്നെ ഫോളോചെയ്യണം . അവര്‍ക്കൊക്കെ നല്ലതുവരട്ടെ .

ഗള്‍ഫ് പണം കേരളത്തിന്റെ സാമൂഹിക പുരോഗതിയിലും വികസനത്തിലും വലിയ പങ്കുവഹിച്ചു എന്നൊക്കെ പത്രത്തില് വായിച്ചുകണ്ടിട്ടുണ്ട് . ഉണ്ടെങ്കില്‍ നല്ലകാര്യം തന്നെ നാട് ഇനിയും വികസിക്കട്ടെ .... നാട്ടിലാണെങ്കിലെവിടെ നോക്കിയാലും കൊള്ള കൊല തട്ടിപ്പ് വെട്ടിപ്പ് പീഡനം ഇതൊന്നുമൊഴിഞ്ഞിട്ട് നേരമില്ല , അവര്‍ക്കിതൊന്നും നേരില്‍ക്കാണേണ്ടല്ലോ എന്നാണ് എനിക്ക് അവരോടുള്ള അസൂയ എന്നാലിന്മാരാണെങ്കില്‍ നാട്ടിലെ ഓര്‍മ്മകളും സ്വപ്നങ്ങളും , ലതും ലിതും എന്നൊക്കെ പറഞ്ഞ് ആഴ്ച്ചയില്‍ 2 പോസ്റ്റ് വീതമെഴുതുന്നു ... ഇവമാരോട് എനിക്കു ചിലത് പറയാനുണ്ട് .

നിങ്ങള്‍ക്ക് മണലുംകൊണ്ട് പാഞ്ഞുവരുന്ന ടിപ്പര്‍ലോറികളെ പേടിക്കണ്ട ??
നിങ്ങള്‍ക്ക് ഹെല്‍മറ്റില്ലാതെ വണ്ടിയോടിക്കുമ്പൊ പോലീസുകാരെ പേടിവേണ്ട ??
നിങ്ങള്‍ക്ക് വെളമടിച്ച് വണ്ടിയോടിക്കുമ്പൊ പോലീസുകാരെ പേടിവേണ്ട ??
വെള്ളമടിച്ചിട്ട് വീട്ടിവന്നാല് വാതിലുതുറക്കുന്ന അമ്മയറിയുവോന്ന് പേടിവേണ്ട ??
പിരിവ് ചോദിച്ച് വരുന്ന അമ്പലക്കമ്മറ്റിക്കാരെ കണാതെ മുങ്ങിനടക്കണോ ??

ബുദ്ധിമുട്ടും പ്രാരാബ്ധങ്ങളുമൊക്കെ ആര്‍ക്കാ ഇല്ലാത്തത് . നിങ്ങളൊരുകാര്യം ചെയ്യ് ഒരു രണ്ടോ മൂന്നോവര്‍ഷം ജോലിചെയ്ത് പണമൊക്കെ സൂക്ഷിച്ച് നാട്ടില് വന്നൊരു പെട്ടികട തുടങ്ങ് ജീവിക്കാനുള്ളവകയൊക്കെ അതീന്ന് കിട്ടും . അതാരും ചെയ്തുകാണുന്നില്ല .

ഏത് പ്രവാസി ബ്ലോഗറുടെ പ്രൊഫയിലിലും കാണാം . മണലാരണ്യത്തിലെ , മരുഭൂമിയിലെ ,മണല്‍ക്കാട്ടിലെ , പ്രവാസത്തിന്റെ , വിരഹത്തിന്റെ അങ്ങനെയങ്ങനെ നീളും ...

എടേയ് നിങ്ങളൊക്കെ അവിടെ കാശ് വാങ്ങിയലേ പണിചെയ്യുന്നത്. അതോ വെറുതെ പണിച്ചെയുവാണോ . ചെയുന്ന ജോലിയിലും ചുറ്റുപാടുമായി പൊരുത്തപ്പെടാന്‍ ശ്രമിക്കാത്ത നിങ്ങളൊക്കെ എന്ത് ആത്മാര്‍ത്ഥയിലാണ് അവിടെ പണിയെടുക്കുന്നത് . നാണമില്ലേ എനിക്കിവിടെ വെറുപ്പാണ് ,മടുപ്പാണ് എന്നൊക്കെപറയാന്‍ .

നിങ്ങളവിടെ സുഖമായിട്ട് കഴിയെടേയ് ...
ഇവിടെ വന്നിട്ടൊന്നും കാര്യമില്ല ...
ഇവിടെ ഭയങ്കര പ്രശ്നങ്ങളാ ....

എടേയ് നിങ്ങളു വിചാരിക്കണപോലെ കൊച്ചി പഴേ കൊച്ചിയെന്നുമല്ലാട്ടാ ...