ഈ ... സിന്ധു ജോയിയെകുറിച്ച് പറയുകയാണെങ്കില്‍

ദിവസവും പേപ്പറെടുത്താല്‍ എവിടെയെങ്കിലും സാമാന്യം വല്യ അക്ഷരത്തില്‍  സിന്ധു ജോയീ !! സിന്ധു ജോയീ !!  എന്ന് കാണാം എനിക്കറിയില്ല പുള്ളിക്കാരത്തിയെ കുറിച്ച് , അറിയാന്‍ ആഗ്രഹവുമില്ല . പക്ഷേ ഈ ബുദ്ധിജീവികളായ (!) ബ്ലോഗര്‍മാരുടെ ഇടയിലൊക്കെ ഒന്ന് പിടിച്ച് നിക്കണമെങ്കില്‍ നമ്മുടെ ഭാവം എന്തെങ്കിലുമൊക്കെ അറിയുന്നപോലെ ആയിരിക്കണം.



അപ്പൊ കാര്യങ്ങളിലേക്ക് കടക്കാം .


ഈ ചേച്ചി ഉമ്മന്‍ ചാണ്ടി എന്ന് പറയുന്ന ഒരു സഖാവിന്റെ മകളെ പോലെയാണെന്ന് എനിക്കറിയാം .
ഞാന്‍ ഇത് ഒരു ക്യൂബന്‍ വിപ്ലവനോവലില്‍ വായിച്ചതാണ് . പുള്ളിക്കാരിയോട് പാര്‍ട്ടി എന്തോ വല്യ അപരാധം ചെയ്തു എന്ന് പത്രത്തിലൊക്കെ കാണാറുണ്ട് . എന്താണാവോ അത് ?? .

CPM എന്ന സ്ത്രീകളെ ബഹുമാനിക്കാത്ത ഒരു പാര്‍ട്ടി കേരളത്തിലുണെന്നും ഈ പാര്‍ട്ടി താന്‍ വിടുകയാണെന്നും കോണ്‍ഗ്രസ്സുക്കാരിയായ സിന്ധു ജോയി പറഞ്ഞതായി കണ്ടു അതാണ് എനിക്കും മനസ്സിലാവാത്തത്  .

ഒരു പാട് കേട്ടിട്ടുണ്ട് കേട്ടിട്ടുണ്ട് സിന്ധു ജോയി എന്ന കുട്ടിയെ കുറിച്ച്  , പോസ്റര്‍ ഒട്ടിച്ചും സമരത്തിന്‌ മുമ്പില്‍ നിന്നും സമരം നയിച്ച കഥ , തിരഞ്ഞെടുപ്പില്‍ മത്സരിച്ചിട്ടുണ്ടോന്നൊരു സംശയം പിന്നെ ക്രിസ്തുമസ്സിന് പടക്കം പൊട്ടിക്കുമ്പോ (ചിത്രം) ഓലപ്പടക്കമോ മറ്റോ പൊട്ടി കാല് പൊള്ളി എന്നൊക്കെ എനിക്കറിയാം

ബാക്കി വിവരങ്ങളൊക്കെ മല്‍യാളി പയ്യന്‍സ് എഴുതുന്ന വിക്കി പീഡികയില്‍ നിന്ന് ഗടമെടുത്ത് ഇവിടെ ചേര്‍ക്കുന്നു !!
ക്ലിക്കി വലുതാക്കി കാണുക

ചേച്ചി 2009 മുതില്‍ ബ്ലോഗ് എഴുതുന്ന ആളാണ് , ( Wandering feelings of Dr.Sindhu Joy ) ഇനി­യി­പ്പോള്‍ പാര്‍ട്ടി വിട്ടതിനെക്കുറിച്ച് സിന്ധു ജോയി ബ്ലോഗില്‍ ആത്മകഥയെങ്ങാനും  (https://twitter.com/Drsindhujoy/status/55327260168826880 ) എഴുതുമോ എന്ന് കണ്ണില്‍ തേനൊഴിച്ച് .. ഞാനും എന്റെ കൂടെ  ഒരുത്തിയും കൂടിക്കാത്തിരിക്കാന്‍ തുടങ്ങിയിട്ട് കുറേ കാലമായി .