എന്നാലും സൂപ്പര്‍ത്തരങ്ങളെ സുകുമാരേട്ടന്റെ മകനോട് !!

“ഇത്ര ചെറുപ്പത്തിലേ എന്നെ സൂപ്പര്‍സ്റ്റാര്‍ എന്ന് മാധ്യമങ്ങളൊക്കെ വിശേഷിപ്പിക്കുന്നതു കണ്ട് ഞാന്‍ ഇങ്ങനെ വളര്‍ന്നാല്‍ ശരിയാകില്ലെന്നു തോന്നിയതുകൊണ്ടാകാം ചിലരൊക്കെ എന്നെ അഹങ്കാരി എന്നു വിളിക്കുന്നത്. എന്തായാലും അഹങ്കാരി, ധിക്കാരി തുടങ്ങിയ വിശേഷണങ്ങളൊക്കെ ഞാനിപ്പോള്‍ ആസ്വദിച്ചുതുടങ്ങി. എന്‍റെ സിനിമകള്‍ തുടര്‍ച്ചയായി വിജയിക്കുമ്പോള്‍ നോട്ടത്തിലും ഭാവത്തിലുമൊക്കെ എനിക്ക് ധാര്‍ഷ്ട്യമുണ്ടെന്ന് മുദ്ര കുത്തപ്പെടുകയാണ്. ഞാന്‍ ആദ്യം പൊലീസ് വേഷത്തില്‍ അഭിനയിച്ചപ്പോള്‍ ‘ഇവനാര് പൊലീസാകാന്‍’ എന്ന ചോദ്യമാണ് ഉയര്‍ന്നത്. ഞാന്‍ ഇതൊന്നും കേട്ട് പിന്‍‌മാറിയില്ല.  പറയുന്നത് കേട്ടാല്‍ തന്നെ മനസിലായികാണും പറഞ്ഞത് സുകുമാരേട്ടന്റെ മകനാണെന്ന്


തീര്‍ന്നിട്ടില്ല ഇനിയുമുണ്ട്  ... “സൂപ്പര്‍സ്റ്റാറുകള്‍ വിചാരിച്ചാലൊന്നും ആരെയും തടയാന്‍ കഴിയില്ല. കഴിവില്ലാത്തവരെ വളര്‍ത്താനും അവര്‍ക്ക് കഴിയില്ല.
അവരുടെ ഭാഗത്തുനിന്ന് ആവശ്യമായ പ്രോത്സാഹനമൊന്നും എനിക്ക് ലഭിക്കുന്നില്ല. ഞാന്‍ ആദ്യമേ ഇതേക്കുറിച്ച് പരാതി പറഞ്ഞിരുന്നു. ‘രാവണന്‍’ കണ്ടതിനു ശേഷം എന്നെ ഒരു മണിക്കൂര്‍ നേരം ഫോണില്‍ വിളിച്ച് രജനീ സാറ് അഭിനന്ദിച്ചു. മലയാളത്തിലെ സൂപ്പര്‍താരങ്ങളാരും ഇത്തരത്തില്‍ എന്നെ അഭിനന്ദിക്കുകയോ പ്രോത്സാഹിപ്പിക്കുകയോ ചെയ്തിട്ടില്ല.” ഇന്ത്യയിലെ ഏറ്റവും വലിയ സ്റ്റാറായ രജനീകാന്ത് പോലും തന്നെ അഭിനന്ദിക്കാനും പ്രോത്സാഹിപ്പിക്കാനും സമയം കണ്ടെത്തുമ്പോള്‍ മലയാളത്തിലെ സൂപ്പര്‍സ്റ്റാറുകളുടെ ഭാഗത്തുനിന്ന് അങ്ങനെയൊന്നും ഉണ്ടാകുന്നില്ലെന്നാണ് പൃഥ്വിയുടെ പരാതി. ഒരു പ്രമുഖ വാരികയ്ക്ക് നല്‍കിയ അഭിമുഖത്തിലാണ് പൃഥ്വി ഇങ്ങനെ പറയുന്നത്.

ഈ സൂപ്പര്‍താരങ്ങള്‍ എങ്ങനെ സൂപ്പര്‍താരങ്ങളായി എന്ന് നോക്കിയാല്‍ അവരുടെ കാലത്ത് നല്ല വിവരമുള്ള തിരകഥാക്രത്തും സംവിധായകരും ഉണ്ടായിരുന്നു . ഇപ്പോള്‍ ഭരതനെ പോലെയും പദ്മരാജനെ പോലെയും ഉളള സംവിധായകര്‍ ഒണ്ടോ ? പിന്നെ പ്രേക്ഷകരുടെ ആസ്വാദനതലത്തിലും മാറ്റങ്ങളൊരുപാടാണ് . അതിന് സൂപ്പര്‍താരങ്ങളെന്ന് താന്‍ പറയുന്നവരെന്ത് പിഴച്ചു . അല്ലെങ്കിലും മലയാള സിനിമയില്‍ ഏത് അഭിമുഖത്തിലും സ്വയം പുകഴ്ത്തലും മറ്റുള്ളവരെ (പ്രത്യേകിച്ച് സൂപ്പര്‍താരങ്ങളെ) കുറ്റം പറയുകമാത്രം ചെയ്യുന്ന ഒരു നടനേ ഉള്ളൂ അത് പൃഥ്വിരാജ് തന്നെ എന്ന് ഉറപ്പിച്ച് പറയാം

• സൂപ്പര്‍താരങ്ങള്‍ എന്ന് പറയുന്നതില്‍ സലീംകുമാറും സുരാജ് വെഞാറമൂടുമൊക്കെപ്പെടുമോ 
• ഇനിയഥവാ അത് ലാലേട്ടനും മമ്മൂട്ടിയുമാണെങ്കില്‍ അവരെങ്ങനെയാണ് പൃഥ്വിയെ പ്രോത്സാഹിപ്പിക്കേണ്ടത്
• മമ്മുട്ടിയും ലാലും പൃഥ്വിയുടെ ട്വിറ്ററിലെ ട്വീറ്റുകള്‍  റീട്വീറ്റ് ചെയണോ
• ഫെയ്സ്ബുക്ക് ഫാന്‍ പേജുകളില്‍ താങ്കളുടെ സിനിമയുടെ പോസ്റ്ററുകള്‍ അപ്പ്ലോഡ് ചെയ്യണോ 
• അതോ പണി നിര്‍ത്തി വീട്ടിലിരിക്കണോ